श्री संकट नाशन गणपति स्तोत्र | Shri Sankat Nashan Stotra |

श्री संकट नाशन गणेश स्तोत्र

|| श्री नारद उवाच ||

प्रणम्य शिरसा देवं गौरीपुत्रं विनायकं |

भक्तावासंस्मरेन्नित्यं आयुः कामार्थ सिद्धये || १ ||

प्रथमं वक्रतुंडं च एकदन्तं द्वितीयकं |

तृतीयं कृष्णपिङ्गाक्षं गजवक्त्रं चतुर्थकं || २ ||

लम्बोदरं पञ्चमं च षष्ठं विकटमेव च |

सप्तमं विघ्नराजं च धूम्रवर्णं तथाष्टमं || ३ ||

नवमं भालचन्द्रं च दशमं तू विनायकं |

एकादशं गणपतिं द्वादशं तु गजाननं || ४ ||

द्वादशैतानि नामानि त्रिसन्ध्यं यः पठेन्नरः |

न च विघ्नभयं तस्य सर्वसिद्धिकरं परं || ५ ||

विद्यार्थी लभते विद्यां धनार्थी लभते धनं |

पुत्रार्थी लभते पुत्रां मोक्षार्थी लभते गतिम् || ६ ||

जपेद्गणपति स्तोत्रं षड्भिर्मासैः फलं लभेत |

संवत्सरेण सिद्धिं च लभते नात्र संशयः || ७ ||

अष्टेभ्यो ब्राह्मणेभ्यश्च लिखित्वा यः समर्पयेत |

तस्य विद्या भवेत्सर्वा गणेशस्य प्रसादतः || ८ ||

|| इति श्री नारदपुराणे संकटनाशन श्री गणपति स्तोत्रम सम्पूर्ण ||