लक्ष्मीकवचम | Lakshmi Kavach |
लक्ष्मीकवचम
 |
| लक्ष्मीकवचम |
ईश्वर उवाच
अथ वक्ष्ये महेशानि कवचं सर्वकामदम् |
यस्य विज्ञानमात्रेण भवेत्साक्षात्सदाशिवः || १ ||
नार्चनं तस्य देवेशि मन्त्रमात्रं जपन्नरः |
स भवेत्पार्वतीपुत्रः सर्वशास्त्रपुरस्कृतः || २ ||
विद्यार्थिनां सदा सेव्या धनदात्री विशेषतः |
विद्यार्थिभिस्सदा सेव्या कमला विष्णुवल्लभा || ३ ||
अथ विनियोगः
ॐ अस्याश्चतुरक्षरी विष्णुवनितायाः कवचस्य श्रीभगवान् शिव ऋषिरनुष्टुप छंदो
वाग्भवी देवता वाग्भवं बीजं लज्जा शक्तिः रमा कीलकं कामबीजात्मकं कवचं
मम सुकवित्वसुपान्डित्य सर्वसिद्धिसमृद्धये विनियोगः ||
ऐंकारी मस्तके पातु वाग्भवी सर्वसिद्धिदा |
ह्रीं पातु चक्षुषोर्मध्ये चक्षुर्युग्मे च शाङ्करी || ४ ||
जिह्वायां मुखवृत्ते च कर्णयोर्गण्डयोर्नसि |
ओष्ठाधारे दन्तपंक्तौ तालुमूले हनौ पुनः || ५ ||
पातु मां विष्णुवनिता लक्ष्मीः श्रीवर्णरुपिणी |
कर्णयुग्मे भुजद्वन्द्वे स्तनद्वन्द्वे च पार्वती || ६ ||
हृदये मणिबन्धे च ग्रीवायां पार्श्वयोर्द्वयोः |
पृष्ठदेशे तथा गुह्ये वामे च दक्षिणे तथा || ७ ||
उपस्थे च नितम्बे च नाभौ जङ्घाद्वये पुनः |
जानुचक्रे पदद्वन्द्वे घुटिकेऽन्गुलिमूलके || ८ ||
स्वधा तु प्राणशक्त्यां वा सीमन्त्यां मस्तके तथा |
सर्वांगे पातु कामेशी महादेवी समुन्नतिः || ९ ||
व्युष्टिः पातु महामाया उत्कृष्टिः सर्वदाऽवतु |
ऋद्धिः पातु सदा देवि सर्वत्र शम्भुवल्लभा || १० ||
वाग्भवो सर्वदा पातु पातु मां हरगेहिनी |
रमा पातु महादेवी पातु माया स्वराट् स्वयम् || ११ ||
सर्वांगे पातु मां लक्ष्मीर्विष्णुमाया सुरेश्वरी |
विजया पातु भवने जया पातु पातु सदा मम || १२ ||
शिवदूती सदा पातु सुन्दरी पातु सर्वदा |
भैरवी पातु सर्वत्र भेरुण्डा सर्वदाऽवतु || १३ ||
त्वरिता पातु मां नित्यमुग्रतारा सदाऽवतु |
पातु मां कालिका नित्यं कालरात्रिः सदाऽवतु || १४ ||
नवदुर्गा सदा पातु कामाख्या सर्वदाऽवतु |
योगिन्यः सर्वदा पान्तु मुद्राः पान्तु सदा मम् || १५ ||
मात्राः पान्तु सदा देव्यश्चक्रस्था योगिनीगणाः |
सर्वत्र सर्वकार्येषु सर्वकर्मसु सर्वदा || १६ ||
पातु मां देवदेवी च लक्ष्मीः सर्वसमृद्धिदा |
इति ते कथितं दिव्यं कवचं सर्वसिद्धये || १७ ||
यत्र तत्र न वक्तव्यं यदीच्छेदात्मनो हितम् |
शठाय भक्तिहिनाय निन्दकाय महेश्वरि || १८ ||
न्यूनाङ्गे ह्यतिरिक्ताङ्गे दर्शयेन्न कदाचन |
न स्तवं दर्शयेद्दिव्य दर्शनाच्छिवहा भवेत् || १९ ||
कुलीनाय महेच्छाय दुर्गाभक्तिपराय च |
वैष्णवाय विशुद्धाय दद्यात्कवचमुत्तमम् || २० ||
निजशिष्याय शान्ताय धनिने ज्ञानिने तथा |
दद्यात्कवचमित्युक्तं सर्वतन्त्रसमन्वितम् || २१ ||
शनौ मंगळवारे च रक्तचंदनकैस्तथा |
यावकेन लिखेन्मन्त्रं सर्वचक्रसमन्वितम् || २२ ||
विलिखेत्कवचं दिव्यं स्वयम्भूकुसुमैः शुभैः |
स्वशुक्रै: परशुक्रैश्च नानगंधसमन्वितैः || २३ ||
गोरोचनाकुंकुमेन रक्तचंदनकेन वा |
सुतिथौ सुभयोगे वा श्रवणायां रवेर्द्दिने || २४ ||
अश्विन्यां कृत्तिकायां वा फल्गुन्यां वा मघासु च |
पूर्वभाद्रपदायोगे स्वात्यां मंगलवासरे || २५ ||
विलिखेत्प्रपठेत्स्तोत्रं शुभयोगे सुरालये |
आयुष्मत्प्रीतियोगे च ब्रह्मयोगे विशेषतः || २६ ||
इन्द्रयोगे शुभे योगे शुक्रयोगे तथैव च |
कौलवे बालवे चैव वणिजे चैव सत्त्तमः || २७ ||
शून्यागारे श्मशाने वा विजने च विशेषतः |
कुमारीं पूजयित्वा च जयजेद्देवीं सनातनीम् || २८ ||
मत्स्यैर्माँसै: शाकपूपैः पूजयेत्परदेवताम् |
घृताद्यैः सोपकरणैः पुष्पधूपैर्विशेषतः || २९ ||
ब्राह्मणान् भोजयित्वा च पूजयेत्परमेश्वरीम् |
आखेटकमुपाख्यानं तत्र कुर्याद्दिनत्रयम् || ३० ||
तदा कुर्यान्महारक्षां शंकरेण प्रभाषितम् |
मारणद्वेषणादीनि लभते नात्र संशयः |
स भवेत्पार्वतीपुत्रः सर्वशास्त्रपुरस्कृतः || ३१ ||
गुरुर्देवो हरः साक्षातपत्नी हरप्रिया |
अभेदन यजेद्यस्तु तस्य सिद्धिरदूरतः || ३२ ||
पठति य इह मर्त्यो नित्यमार्द्रांतरात्मा |
जपफलमनुमेवं लक्ष्यते याद्विशेषम् |
स भवति पदमुच्चैः सम्पदापादनम्र
क्षितिपमुकुटलक्ष्मीलक्षणानां चिराय ||
|| विश्वासारतन्त्रे लक्ष्मीकवच सम्पूर्णं ||
Reviewed by Bijal Purohit
on
12:36 pm
Rating:
कोई टिप्पणी नहीं: